വോട്ടര് പട്ടികയില് ദൈവങ്ങളുടെയും പേരുണ്ടോ? ദേവാലയങ്ങളിലേക്ക് ഓടിയെത്തുന്ന നേതാക്കളുടെയും സ്ഥാനാര്ഥികളുടെയും അവരുടെ ബന്ധുക്കളുടെയും കണക്കെടുത്താല് അങ്ങനെ തോന്നിപ്പോകും. നേര്ച്ചകളും വഴിപാടുകളുമായി ദൈവാനുഗ്രഹം തേടുന്ന സ്ഥാനാര്ഥികളെപ്പോലെ വിശ്വാസി വോട്ടര്മാരെ നേരില്ക്കണ്ടു വോട്ട് ഉറപ്പിക്കുന്നവരും ഏറെ.
പെരുന്നാള് റാസകളിലും ക്ഷേത്രസന്നിധിയിലെ പ്രസാദമൂട്ടിലും പങ്കുചേര്ന്ന് അവര് പ്രചാരണം ഉഷാറാക്കുന്നു. ജ്യോതിഷത്തിനു പ്രസിദ്ധമായ പാഴൂര് പടിപ്പുരയിലേക്കിപ്പോള് രാഷ്ട്രീയക്കാരുടെ ഘോഷയാത്രയാണ്. ഭാവിയറിയാനും ദോഷപരിഹാരം തേടാനും എത്തുന്നവരില് വിശ്വാസികളായ സ്ഥാനാര്ഥികളും അവിശ്വാസികളായ സ്ഥാനാര്ഥികളുടെ സഹധര്മിണിമാരും അണികളുമെല്ലാമുണ്ട്.
തെരഞ്ഞെടുപ്പു കാലമായാല് രാഷ്ട്രീയപ്രവചനങ്ങള് നടത്തി ശ്രദ്ധാകേന്ദ്രമാകുന്നവര് രാജ്യത്തേറെയുണ്ട്. വെറ്റിലയിലും പെന്ഡുലത്തിലും കവടിയിലും തങ്ങളുടെ സിദ്ധി തെളിയിച്ച് കുറച്ചുകാലത്തേക്കെങ്കിലും അവര് ശോഭിക്കും. എന്നാല്, നാള്ക്കുനാള് കലങ്ങിമറിയുന്ന കേരളരാഷ്ട്രീയം മേയ് 13നു ശേഷം എന്താകുമെന്നു പ്രവചിക്കാന് ഇത്തവണ പലര്ക്കും മടി. വോട്ടെടുപ്പു നടക്കുന്ന ഏപ്രില് 13 കേരളത്തിനു ഗുണകരമല്ലെന്നാണു വി. സജീവ് ശാസ്താരം കവടി നിരത്തിയപ്പോള് തെളിഞ്ഞത്. ബുധന് വക്രവും നീചവും മൗഢ്യവും ആകയാലും ദൈവികസാന്നിധ്യമുള്ള വ്യാഴം, ചൊവ്വ എന്നിവ മൗഢ്യത്തിലായതിനാലും അടുത്ത സര്ക്കാരിനു പരീക്ഷണകാലമായിരിക്കുമത്രേ.
നേരിയ ഭൂരിപക്ഷത്തോടെ ആര് അധികാരത്തിലേറിയാലും ഒന്നിലധികം ഭരണമാറ്റമുണ്ടായേക്കാമെന്നാണ് ഈ ജ്യോതിഷിയുടെ അഭിപ്രായം. ഉമ്മന്ചാണ്ടിക്കു കേസരി യോഗമാണത്രേ. വി.എസ്. അച്യുതാനന്ദനും കോടിയേരി ബാലകൃഷ്ണനും മത്സരരംഗത്തില്ലാത്ത പിണറായി വിജയനും നല്ല കാലമെന്നാണു യുവജ്യോതിഷി അനില് പെരുന്നയുടെ അഭിപ്രായം. അനിഴം നക്ഷത്രക്കാരനായ വി.എസിന് അപൂര്വമായ ശശമഹായോഗമാണ്! കോടിയേരിക്കാകട്ടെ കേസരി യോഗവും മാളവിക യോഗവും. പിണറായിയെ കാത്തിരിക്കുന്നതു നീചഭംഗ രാജയോഗമാണ്. സൂര്യരാശി ഗ്രഹസ്ഥിതി പ്രകാരം രമേശ് ചെന്നിത്തലയ്ക്കു മഹാനിപുണയോഗമാണെന്നും അനില് പ്രവചിക്കുന്നു.
പെന്ഡുലം ശാസ്ത്രപ്രകാരം കെ. ശ്രീകണ്ഠന്നായര് ഇരുമുന്നണികള്ക്കും ലഭിക്കുന്ന ചില സീറ്റുകള് പ്രവചിച്ചിട്ടുണ്ട്. ടി.എം.ആര്. കുട്ടിയെപ്പോലെ പഴയ ജ്യോതിഷപണ്ഡിതരെയും തെരഞ്ഞെടുപ്പുകാലമാകുമ്പോള് പത്രം ഓഫീസുകളിലെത്തി പ്രവചനരഹസ്യം തുറന്നുവിടുന്ന മഠം നമ്പൂതിരിയെപ്പോലുള്ളവരെയും വിസ്മരിക്കാനാകില്ല. എന്തായാലും അച്ചട്ടാകുന്ന പ്രവചനം ആരുടേതെന്നറിയാന് ഇക്കുറി വേണ്ടതു നീണ്ട കാത്തിരിപ്പ്. ജനവിധിയും ജ്യോതിഷവിധിയും ഒരുമാസം പോലീസ് കാവലില് ഇലക്ട്രോണിക് വോട്ടിംഗ് യന്ത്രങ്ങളില് ആര്ക്കും പിടികൊടുക്കാതിരിക്കും.
പെരുന്നാള് റാസകളിലും ക്ഷേത്രസന്നിധിയിലെ പ്രസാദമൂട്ടിലും പങ്കുചേര്ന്ന് അവര് പ്രചാരണം ഉഷാറാക്കുന്നു. ജ്യോതിഷത്തിനു പ്രസിദ്ധമായ പാഴൂര് പടിപ്പുരയിലേക്കിപ്പോള് രാഷ്ട്രീയക്കാരുടെ ഘോഷയാത്രയാണ്. ഭാവിയറിയാനും ദോഷപരിഹാരം തേടാനും എത്തുന്നവരില് വിശ്വാസികളായ സ്ഥാനാര്ഥികളും അവിശ്വാസികളായ സ്ഥാനാര്ഥികളുടെ സഹധര്മിണിമാരും അണികളുമെല്ലാമുണ്ട്.
തെരഞ്ഞെടുപ്പു കാലമായാല് രാഷ്ട്രീയപ്രവചനങ്ങള് നടത്തി ശ്രദ്ധാകേന്ദ്രമാകുന്നവര് രാജ്യത്തേറെയുണ്ട്. വെറ്റിലയിലും പെന്ഡുലത്തിലും കവടിയിലും തങ്ങളുടെ സിദ്ധി തെളിയിച്ച് കുറച്ചുകാലത്തേക്കെങ്കിലും അവര് ശോഭിക്കും. എന്നാല്, നാള്ക്കുനാള് കലങ്ങിമറിയുന്ന കേരളരാഷ്ട്രീയം മേയ് 13നു ശേഷം എന്താകുമെന്നു പ്രവചിക്കാന് ഇത്തവണ പലര്ക്കും മടി. വോട്ടെടുപ്പു നടക്കുന്ന ഏപ്രില് 13 കേരളത്തിനു ഗുണകരമല്ലെന്നാണു വി. സജീവ് ശാസ്താരം കവടി നിരത്തിയപ്പോള് തെളിഞ്ഞത്. ബുധന് വക്രവും നീചവും മൗഢ്യവും ആകയാലും ദൈവികസാന്നിധ്യമുള്ള വ്യാഴം, ചൊവ്വ എന്നിവ മൗഢ്യത്തിലായതിനാലും അടുത്ത സര്ക്കാരിനു പരീക്ഷണകാലമായിരിക്കുമത്രേ.
നേരിയ ഭൂരിപക്ഷത്തോടെ ആര് അധികാരത്തിലേറിയാലും ഒന്നിലധികം ഭരണമാറ്റമുണ്ടായേക്കാമെന്നാണ് ഈ ജ്യോതിഷിയുടെ അഭിപ്രായം. ഉമ്മന്ചാണ്ടിക്കു കേസരി യോഗമാണത്രേ. വി.എസ്. അച്യുതാനന്ദനും കോടിയേരി ബാലകൃഷ്ണനും മത്സരരംഗത്തില്ലാത്ത പിണറായി വിജയനും നല്ല കാലമെന്നാണു യുവജ്യോതിഷി അനില് പെരുന്നയുടെ അഭിപ്രായം. അനിഴം നക്ഷത്രക്കാരനായ വി.എസിന് അപൂര്വമായ ശശമഹായോഗമാണ്! കോടിയേരിക്കാകട്ടെ കേസരി യോഗവും മാളവിക യോഗവും. പിണറായിയെ കാത്തിരിക്കുന്നതു നീചഭംഗ രാജയോഗമാണ്. സൂര്യരാശി ഗ്രഹസ്ഥിതി പ്രകാരം രമേശ് ചെന്നിത്തലയ്ക്കു മഹാനിപുണയോഗമാണെന്നും അനില് പ്രവചിക്കുന്നു.
പെന്ഡുലം ശാസ്ത്രപ്രകാരം കെ. ശ്രീകണ്ഠന്നായര് ഇരുമുന്നണികള്ക്കും ലഭിക്കുന്ന ചില സീറ്റുകള് പ്രവചിച്ചിട്ടുണ്ട്. ടി.എം.ആര്. കുട്ടിയെപ്പോലെ പഴയ ജ്യോതിഷപണ്ഡിതരെയും തെരഞ്ഞെടുപ്പുകാലമാകുമ്പോള് പത്രം ഓഫീസുകളിലെത്തി പ്രവചനരഹസ്യം തുറന്നുവിടുന്ന മഠം നമ്പൂതിരിയെപ്പോലുള്ളവരെയും വിസ്മരിക്കാനാകില്ല. എന്തായാലും അച്ചട്ടാകുന്ന പ്രവചനം ആരുടേതെന്നറിയാന് ഇക്കുറി വേണ്ടതു നീണ്ട കാത്തിരിപ്പ്. ജനവിധിയും ജ്യോതിഷവിധിയും ഒരുമാസം പോലീസ് കാവലില് ഇലക്ട്രോണിക് വോട്ടിംഗ് യന്ത്രങ്ങളില് ആര്ക്കും പിടികൊടുക്കാതിരിക്കും.